chinaveerabhadrudu.in
కోకిల ప్రవేశించే కాలం (2009) నా నాలుగో కవితా సంపుటి. అందులోంచి 41 కవితలు ఎంపికచేసి ఇంగ్లిషులోకి అనువదించి ఇలా The Song Arrives పేరిట వెలువరిస్తున్నాను. మా అమ్మమ్మ శ్రీమతి సన్యాసమ్మ మా అమ్మ పసితనంలోనే స్వర్గస్థులయ్యారు. ఆమెని మేమెప్పుడూ చూడలేదు. వారి స్మృతికి ఈ సంపుటి సమర్పిస్తున్నాను. ఇది నా 78 వ పుస్తకం. దీన్నిక్కణ్ణుంచి డౌనులోడు చేసుకోవచ్చు.
పునర్యానం నా మూడవ కవితా సంపుటి. 5000 పంక్తులకన్నా మించిన సుదీర్ఘ కావ్యం. ఆ పుస్తకానికి తెలుగు విశ్వవిద్యాలయం ఉత్తమ వచన కవిత పురస్కారం కూడా అందించారు. ఆ పుస్తకం మొత్తాన్ని ఇంగ్లిషులోకి అనువదించడం అంత సులభం కాదు. అందుకని 60 కవితలు తీసుకుని మూడేళ్ళ కిందట ఇంగ్లిషులోకి అనువదించి ఇక్కడ మీతో పంచుకున్నాను. అప్పణ్ణుంచీ ఆ అనువాదాల్ని చిత్రికపడుతూనే ఉన్నాను. ఎట్టకేలకు, ఇలా The Second Horizon పేరిట bilingual edition ని ఇలా విడుదల చేస్తున్నాను. ఈ సాఫ్టు ప్రతిని ఇక్కణ్ణుంచి డౌనులోడు చేసుకోవచ్చు. పునర్యానం కావ్యాన్ని మా విజ్జికి కానుక చేసాను. ఇప్పుడు ఈ ఇంగ్లిషు అనువాదాన్ని ఆమె తండ్రి స్వర్గీయ పోరుమామిళ్ళ నారాయణరావుగారి స్మృతికి అంకితమిస్తున్నాను. ఇది నా 76 వ పుస్తకం.
నిర్వికల్ప సంగీతం వెలువడి నలభై సంవత్సరాలు పూర్తవుతున్నాయి. అందుకని అందులోంచి గతంలో అనువదించిన కొన్ని కవితలతో పాటు మరికొన్ని ఇంగ్లిషులోకి అనువదించాను. దానితో పాటు, ఒంటరిచేల మధ్య ఒక్కత్తే మన అమ్మ సంపుటినుంచి కూడా గతంలో అనువదించిన కవితలతో పాటు మరికొన్ని కవితలు అనువదించాను. మొత్తం 45 కవితలు. వీటిని ఇలా Song of My Village: Selected Poems, 1982-1992 పేరిట ఒక ద్విభాషాసంపుటిగా వెలువరిస్తున్నాను. ఈ పుస్తకాన్ని ఇక్కణ్ణుంచి డౌనులోడు చేసుకోవచ్చు.