నా కుటీరం

బహుశా నేను ఎన్నడూ తిరిగి నా జీవితంలో ఈ మార్గంలో ప్రయాణించకపోవచ్చు. ఇదే బహుశా మొదటి, చివరి ప్రయాణం ఈ మార్గానికి. కాని ఈ ప్రయాణపుప్రశాంతి నా జీవితమంతా నన్ను వెన్నంటి ఉంటుంది.

ఎక్కడకు వెళ్ళినా ఈ లోయల్లో మైదానాల్లో మనకన్నాముందు నడిచి వెళ్ళినవాళ్ళ అడుగుజాడలు కన్పిస్తుంటాయి. నార్మన్ దండయాత్రలు, బ్రిగాంటియన్ జాతులు, రోమన్ సైనికశ్రేణులు, చేనేతపనివాళ్ళు, రైతులు, పారిశ్రామికవేత్తలు, సీమపొడుగునా ప్రకృతి, చరిత్ర పెనవేసుకున్న గుర్తులు, సాహిత్యజ్ఞాపకాలు, సెలవుదినాల సంరంభాలు.