రెండు ప్రపంచాలనుకున్నాను, కాదు మూడు
ప్రపంచాలు. బయట ప్రపంచానికి మరీ బయట
మరో ప్రపంచముంది. యుద్ధాలు జరిగేదక్కడే.
మారణాయుధాల, మందుపాతరల ప్రపంచం.
దానికి లోపల మరొక ప్రపంచముందే, అక్కణ్ణుంచే
హననాలు మొదలయ్యేది. ఊసుపోక కబుర్లు, అరిగీ
అరగని అనుభవాలు, నిలదొక్కుకోని నమ్మకాలు,
పైపైనే జీవించేవాళ్ళ వేళ్ళమరకలు, ఊపిరి మసకలు.
దాన్ని దాటాకనే నీ అసలైన ప్రపంచం. కాళ్ళూ
చేతులూ కడుక్కుని మరీ ఇంట్లో అడుగుపెట్టినట్టు
స్వస్థ పరిమళాల్తో నువ్వు తేటపడాలి. అందుకనే,
ముంగిట్లో నీళ్ళగోలెంలాగా, విరబూసిన వేపచెట్లు.
25-3-2026
నైస్
‘ పరిణితి ‘ యంటే యిదికద !
అరసి , తెలిసి , యనుభవాల యరలు తెరిచి , క్ర
మ్మర , పొలుపార వ్రాయు
వర రచయిత , నమము లయ్య 🙏 వాడ్రేవు బుధా !
ధన్యవాదాలు సార్!
పైపైనే జీవించేవాళ్ళ వేళ్ళమరకలు, ఊపిరి మసకలు
baagundi sir.
ధన్యవాదాలు సంజయ్!
Yes sir, బయట ప్రపంచానికి మరీ బయట
మరో ప్రపంచముంది. యుద్ధాలు జరిగేదక్కడే…అక్కడికి ఎవరూ వెళ్లరు,కానీ లాగబడతారు..