chinaveerabhadrudu.in
నేను దార్లపల్లిలో అందెల కన్నపురెడ్డిని అడిగాను: 'నీకు నలుగురితో పాడుకోవడం సంతోషంగా ఉంటుందా, ఒక్కడివే పాడుకోవడం సంతోషంగా ఉంటుందా? అని. అతనన్నాడు కదా, 'నలుగురితో కలిసి పాడుకోవడం పండగ. కానీ, నలుగురితో కలవలేనంత మాత్రాన పాడుకోవడం మానను. మనసుకి సంతోషమైనప్పుడల్లా పాడుకుంటూనే ఉంటాను.'
ఆ కొండల్ని అర్థం చేసుకోవడానికి రకరకాల పోలికల కోసం ప్రయత్నించాను. ఆ జలరాశి ఒక సరస్సనీ, ఆ కొండలు పెద్దసరస్సులో నీళ్ళు తాగడానికి వచ్చిన ఏనుగు మందలనీ అనుకోవడం కూడా బాగుంది. అవి నదీవాద్యం పైన నిరంతరంగా వినిపిస్తున్న సంగీత తరంగాలని అనుకోవడం కూడా సంతోషాన్నిచ్చింది.
‘పూలపాన్పులు ఎన్నో ఉండగా, శంభూ, నువ్వీ శిలాతలాల్లోనే ఎందుకు నాట్యం చేస్తావు?’ అన్నాడు కవి. ఈ సొరంగాల్నీ, బయటకు తవ్వి తీసిన ఈ పందొమ్మిదిలక్షల టన్నుల మట్టినీ చూస్తుంటే పరమశివుని శిలాతలనాట్యంలోని సౌందర్యం, ప్రయోజనం ఎంత చక్కగా బోధపడుతున్నాయి!