chinaveerabhadrudu.in
కాలేజిలో మాకు సౌందర్య దృష్టి గురించి చెప్పినప్పుడు సౌందర్యదృష్టి అంటే ఏమిటో నాకు అస్సలు అర్థం కాలేదు. చాలా సార్లు అర్థం చేసుకోడానికి ప్రయత్నించినా అర్థం కాలేదు. దేన్ని సౌందర్యదృష్టి అంటారో తెలియలేదు. కానీ ఇక్కడికొచ్చినప్పుడు ఒక గోండు ద్వారా బోధపడింది. ఓహో! దీనే సౌందర్య దృష్టి అని అంటారూ అని.
నేనేమో చాలా చింతలో ఉండేవాడిని- ఎలా బతకాలి, ఏం చేయాలని. కానీ ఆ సంఘటన జరిగిన రోజు నాకు నమ్మకం కుదిరింది. ప్రపంచంలో పుట్టాము అంటే బతికేస్తాం ఎలాగోలా! పుట్టించినవాడే ఆలోచిస్తాడు, మనకెందుకు చింత అని. నేను పూర్తిగా ప్రశాంతంగా అయిపోయాను. మనసు ప్రశాంతమైన కొన్ని రోజులకే బరోడా వదిలేసి వచ్చేశాను.
'ఈ మాట అకస్మాత్తుగా నా మదిలో మెదిలింది. 'అనుభూతి అనుభవాన్ని ఆకృతిగా మార్చడమే కళ.' వెంటనే లేచాను. స్నానం చేసాను. బయటికొచ్చాను, అన్నం తిన్నాను. ఇంక ఆ రాత్రి నిద్రపట్టలేదు. తెల్లవారుజాము నాలుగింటికే లేచి కాలేజీకి వెళ్ళిపోయాను కాలేజీకి వెళ్ళి వచ్చాక మళ్ళా రాత్రంతా ఆలోచిస్తూనే ఉన్నాను. ఇదేమిటి, ఇదేమిటని.’