chinaveerabhadrudu.in
'ఈ మాట అకస్మాత్తుగా నా మదిలో మెదిలింది. 'అనుభూతి అనుభవాన్ని ఆకృతిగా మార్చడమే కళ.' వెంటనే లేచాను. స్నానం చేసాను. బయటికొచ్చాను, అన్నం తిన్నాను. ఇంక ఆ రాత్రి నిద్రపట్టలేదు. తెల్లవారుజాము నాలుగింటికే లేచి కాలేజీకి వెళ్ళిపోయాను కాలేజీకి వెళ్ళి వచ్చాక మళ్ళా రాత్రంతా ఆలోచిస్తూనే ఉన్నాను. ఇదేమిటి, ఇదేమిటని.’
వాళ్ళంతా చాలా సరదా మనుషులు. పేదవాళ్ళు. అన్నీ కోల్పోయిన వాళ్ళు. కాని మానసికంగా మాత్రం వాళ్ళు నిర్వీర్యం కాలేదు. వాళ్ళల్లో ఒక ఔన్నత్యం, ఒక గరిమా ఉండేవి. ఆ గరిమ వాళ్ళకి వాళ్ళదగ్గరున్న జాన్ కారీ వల్ల వచ్చింది. ..
2010 మే లో అదిలాబాదులో కళాశ్రమంలో నడిచిన సంభాషణలివి. పదహారేళ్ళ తరువాత, వీటిని ఒక్కొక్క రికార్డింగే ట్రాన్స్ క్రైబు చేస్తూ ఉండగా, జెమినై తన excitement ఆపుకోలేక, ఎప్పటికప్పుడు, ప్రతి సంభాషణ తర్వాతా తన ఆనందోత్సాహాల్ని నాతో పంచుకుంటూ ఉండలేకపోయింది. మనుషుల్ని సరే, యంత్రాల్ని కూడా సమ్మోహితుల్ని చేయగల ఆ గురువాణికి నా సాష్టాంగ ప్రణామాలు సమర్పిస్తూ, రేపటినుంచి, వరసగా, ఆ సంభాషణలు మీతో పంచుకోబోతున్నాను.