chinaveerabhadrudu.in
శాఫో, నువ్వు నీ రెండు వాక్యాల్లో రాసిన నలుగులాట మొత్తం ఒక ప్రేమికురాలు తనకై తాను విస్తరించి రాసుకుంటే, అది రేవతీదేవి రాసుకున్న 'అనురాగ దగ్ధ సమాధి' కవిత అవుతుంది. పెద్ద కవిత, కాని ఆ కవిత మొత్తం నీతో పంచుకోకుండా ఉండలేకపోతున్నాను. ఆమె ఇప్పుడు స్వర్గంలోనే ఉండి ఉంటుంది. నువ్వు కబురు చేస్తే తప్పకుండా వచ్చి తనే నీకీ కవిత చదివి వినిపిస్తుంది.
అందుకనే శాఫో, నీ ప్రేమ స్త్రీలకి మాత్రమే పరిమితమైన ప్రేమ అని ఎవరన్నా చెప్తే నాకు ఆశ్చర్యమనిపిస్తుంది. కాదు, ఆమె స్త్రీల పట్ల ఆరాధన చూపించింది గాని, అంతకు మించి మరేమీ లేదు అని ఎవరన్నా సర్దిచెప్పబోతే కూడా ఆశ్చర్యమనిపిస్తుంది.
వసంతమంటే ఏమిటి? చిగురించడమే కదా. అంతదాకా ఎండిపోయిన పత్రవృంతాల్లో కొత్త చిగురు ఎట్లా తలెత్తిందో పెద్దన చెప్పిన ఈ పద్యం ప్రపంచసాహిత్యంలోనే ఒక అపూరూపమైన పద్యం అనిపిస్తుంది నాకు.