రెండవ అంశంలో ఆ ప్రశ్న మరింత సంకేత ప్రాయం. విద్యానుభవం దాని నిజమైన అర్ధంలో ఎప్పటికీ కొత్త భూమినీ, కొత్త భూమికనీ కనుగొనడమేనని. అది మన నిశ్చలనిశ్చితాల్ని ఎప్పటికప్పుడు తల్లకిందులు చేసే నవీనానుభవమని. నూతనాధ్యాయమని.
కొన్ని కలలు కొన్ని మెలకువలు-1
స్కూల్లో మొదటి రోజు
ఆ సందర్భంగా నా 'కొన్ని కలలు కొన్ని మెలకువలు' పుస్తకంలోంచి మొదటి భాగాన్ని చిన్ని వీడియోగా చేసి చూసుకున్నారు. ఆ కథనం వినగానే వారికి తాము ఆ స్కూల్లో చేరిన మొదటిరోజులు గుర్తొచ్చాయి. కొందరు ఎమోషనలు కూడా అయ్యారని విన్నాను. ఆ చిన్ని వీడియో నాకు పంపించారు. దాన్నిక్కడ మీతో పంచుకుంటున్నాను.
కొన్ని కలలు కొన్ని మెలకువలు
ఆ పుస్తకం ఒక కరుణరసాత్మక కావ్యం అన్నాడు కవితాప్రసాద్ నా 'కొన్ని కలలు కొన్ని మెలకువలు చదివి. అది విద్యా సంబంధమైన గ్రంథమనో, గిరిజన సంక్షేమానికి సంబంధించినదనో అనకుండా దాన్నొక కావ్యమనీ అది కూడా కరుణరసాత్మకమనీ అనడం నా హృదయాన్ని చాలా లోతుగా తాకింది.