chinaveerabhadrudu.in
అందుకనే ఆమె నేనా పాఠశాలల రూపురేఖలు మారుస్తానన్నప్పుడు నాకది ఏదో అసంగతమైన మాటలానే వినిపించింది. కాని చెప్పొద్దూ, స్వతహా, స్వాప్నికుణ్ణి కాబట్టి ఏ గోండు దేవతలో ఆ పవిత్ర స్ధలంలో నామీదనొక ఆశీర్వాదాన్ని ఆ క్షణంలో వర్షించారేమో అనికూడా అనుకోకపోలేదు.
మన సంస్కృతిలో వసుధైక కుటుంబకం అనే గొప్ప సిద్ధాంతం ఉంది. వసుధైక కుటుంబకం అంటే నలుగురు కూర్చుని అన్నం తినడం మాత్రమే కాదు. ఈ భూమిపై ఉన్న కొండలు, చెట్లు, నదులు, వాగులు, ప్రకృతి అంతా మన కుటుంబమే అని అర్థం. వాటన్నిటితో ఒక పారివారిక బంధాన్ని ఏర్పరచుకుని జీవించడమే వసుధైకకుటుంబకం. ..