chinaveerabhadrudu.in
వేళకి పాఠశాలకి హాజరుకాని ఉపాధ్యాయులతో, పాఠశాల గ్రామాల్లో నివాసముండని ఉపాధ్యాయులతో, పాఠ్యబోధనలో తప్ప తక్కిన అన్ని విషయాల్లో చురుగ్గా ఉండే ఉపాధ్యాయులతో నిండి ఉన్న ఆ పాఠశాలల్ని ఎక్కణ్ణుంచి సంస్క రించాలో, ఎలా సంస్కరించాలో నాకొక పట్టాన బోధపడలేదు.
అందుకనే ఆమె నేనా పాఠశాలల రూపురేఖలు మారుస్తానన్నప్పుడు నాకది ఏదో అసంగతమైన మాటలానే వినిపించింది. కాని చెప్పొద్దూ, స్వతహా, స్వాప్నికుణ్ణి కాబట్టి ఏ గోండు దేవతలో ఆ పవిత్ర స్ధలంలో నామీదనొక ఆశీర్వాదాన్ని ఆ క్షణంలో వర్షించారేమో అనికూడా అనుకోకపోలేదు.
నిజానికి రాజ్యం ఏ సమాజానికైనా రాజకీయవ్యక్తీకరణ మాత్రమే. రాజ్యంకన్నా ప్రజల ఆకాంక్షలు మరింత బలమైనవి. వాటిని ఏ రాజ్యం కూడా ఎల్లకాలం అణచి వెయ్యలేదు. లేదా అణచి ఉంచిందనుకుంటున్నప్పుడు కూడా నిజానికి అవి వికసిస్తూనే ఉండిఉండవచ్చు కూడా. ఎవరు చెప్పగలరు?