అడిగారట ఒకప్పుడొకాయన్ని
సూఫీల గురించి చెప్పమని.1
ఆయనన్నాడట:
మొదట్లో వాళ్ళీ ప్రపంచంలో కుదురుకోలేకపోయారు
కాని మనసులో నిశ్చలంగా ఉండేవారు.
తర్వాత తర్వాత ప్రపంచంతో సర్దుకున్నారు
కాని మనసులో అశాంతిపడుతుండేవారని.
భగవంతుడా!
నేను కోరుకునేదొక్కటే
నాకు ప్రపంచమంటూ
మరొకటి లేకుండా చూడు!
1.Sadi, Gulistan, Darvishan, story no.25
11-12-2025
చాలా గొప్పగా చెప్పారు సార్. కృతజ్ఞతలు.
ధన్యవాదాలు సార్!
ఆహా ఒక్క ముక్కలో సూఫీతత్త్వం చెప్పారు.
హృదయపూర్వక ధన్యవాదాలు సార్!