chinaveerabhadrudu.in
ఈ ఈశ్వరస్తుతి గీతాలు ఆగమగీతాలు కూడా. ఈశ్వరుడు నిన్ను సదా కనిపెట్టుకుని ఉన్నాడని పదే పదే చెప్పే గీతాలు. ఈశ్వరకృపకు మనం ఎలుగెత్తి ధన్యవాదాలు చెప్పే గీతాలు. అందుకని లోక రక్షకుడు ఉదయించిన ఈ రోజున, ఎంతో పవిత్రమైన ఈ రోజున, ఈ పుస్తకాన్ని మళ్ళా మీతో పంచుకుంటున్నాను.
కాబట్టి కీర్తనల్లోని విజయగీతాలు, ధన్యవాద సమర్పణ గీతాలు, ప్రపంచ భక్తిసాహిత్యంలోనే ఒక సర్వోత్కృష్ట అధ్యాయం. అవి గొప్ప ఓదార్పు, ఒక బాసట, నిస్పృహ చెందిన మనుషులకి, కుటుంబాలకీ, జాతులకీ ఒక స్వస్థత, ఒక నిరుపమాన ధన్యత.
అయితే, దేవుడు తన మొరాలకిస్తున్నాడనే నిశ్చయ జ్ఞానం, ఒక అచంచల విశ్వాసం ఈ గీతాలకి ప్రాణం. అందుకనే కొన్ని చోట్ల అవి ఫిర్యాదులుగా, రక్షణకోసం ఆక్రందనలుగా వినబడుతున్నప్పుడు కూడా, ఆ విశ్వాసం చెక్కుచెదరకపోవడం మనం చూడవచ్చు.
