chinaveerabhadrudu.in
అనిల్ బత్తుల పబ్లికేషన్స్ ప్రచురించిన 'నన్ను వెన్నాడే కథలు' (2026) పుస్తకం పైన పిన్నంసెట్టి కిషన్ గారు రాసిన సమగ్ర సమీక్ష ఇది. కిషన్ గారు అత్యంత సమర్థుడైన, నీతివంతుడైన ప్రభుత్వ అధికారి. పేదల పక్షపాతి. కాబట్టి ఆయన ఈ కథల్తో మమేకం కాగలిగారు. వేములవాడనుంచి వచ్చిన కిషన్ గారు 'లేంబాళవాటిక కథలు' పేరిట అమరవాతి కథల్ని తలపించే కథలు రాసారు. 'నల్లపద్యం' ఆయన కవితాసంపుటి.
వారిద్దరి ప్రసంగాలూ విన్నాక, ఇవి నన్ను వెన్నాడే కథలు మాత్రమే కాదు, అందర్నీ వెన్నాడే కథలు కూడా అని అర్థమయింది. ..
నలభయ్యేళ్ళ కిందట నేను చదివిన కొన్ని కథలు, ప్రపంచ సాహిత్యంలోవీ, భారతీయ భాషల్లోవీ, ఇరవై కథలు, నన్ను వెన్నాడే కథలు గా, గత ఆరునెలలుగా మీతో పంచుకున్నాను. ఇప్పుడు ఆ కథలన్నిటినీ ఒక్కచోట ఇలా పుస్తకరూపంగా మీకు అందిస్తున్నాను. ఈ పుస్తకం ఇక్కణ్ణుంచి డౌనులోడు చేసుకోవచ్చు. పుస్తక ప్రేమికుల పెన్నిధి బంగారు రామాచారికి ఈ పుస్తకం కానుక చేస్తున్నాను. ఇది నా 75 వ పుస్తకం.