chinaveerabhadrudu.in
ఆ తర్వాత వారం రోజులపాటు ప్రతి పాఠశాలా, ప్రతి చిన్నారీ, ప్రతి ఉపాధ్యాయుడూ నాకు మనఃపూర్వకంగా వీడ్కోలు చెప్తూనే ఉన్నారు. అన్నిటికన్నా మరవలేనిది ఆసిఫాబాద్ గురుకులపాఠశాలలో జరిపిన వీడ్కోలు సభ. ఆ రోజు దారిపొడుగునా గులాబీలు పరిచి మరీ నన్ను స్వాగతించారు.
అవిద్యమీద మేం చేపట్టిన రాజీలేని పోరాటంగా దాన్ని అభివర్ణించవచ్చు. ప్రతి ఒక్కరూ పిల్లలూ, పెద్దలూ కూడా దాన్ని సంతోషంగా, సగర్వంగా స్వాగతించి ఉండవచ్చు. కానీ అలా జరగలేదు. ..
వేళకి పాఠశాలకి హాజరుకాని ఉపాధ్యాయులతో, పాఠశాల గ్రామాల్లో నివాసముండని ఉపాధ్యాయులతో, పాఠ్యబోధనలో తప్ప తక్కిన అన్ని విషయాల్లో చురుగ్గా ఉండే ఉపాధ్యాయులతో నిండి ఉన్న ఆ పాఠశాలల్ని ఎక్కణ్ణుంచి సంస్క రించాలో, ఎలా సంస్కరించాలో నాకొక పట్టాన బోధపడలేదు.