chinaveerabhadrudu.in
నేలకొండపల్లి కోదాడకి అంత దగ్గరలో ఉందని తెలీదు. కోదాడ రమ్మని పిలిచినప్పుడే సోమిరెడ్డిగారు నేలకొండపల్లిలో ఒక ప్రాచీన బౌద్ధ స్థూపం ఉందని దాన్ని కూడా చూస్తారా అనడిగారు. ఆ విధంగా కోదాడ వెళ్ళినప్పుడు తేజ విద్యాలయమే కాక మరో మూడు దర్శనీయ ప్రదేశాల్ని చూడగలిగే భాగ్యం లభించింది. అందులో మొదటిది బంగారు రామాచారిగారి ఇల్లు, రెండోది నేలకొండపల్లి బౌద్ధస్తూపం, మూడోది ఆ ఊళ్ళోనే భక్తరామదాసు పుట్టిపెరిగినచోటూ, అక్కడ నెలకొల్పిన స్మారక మందిరాలూనూ.
నాకు ఆ పక్షుల్ని చూస్తుంటే ఒక స్లమ్లో అమ్మాయిల్ని చూసినట్టుంది. వాళ్ళుంటున్నది స్లమ్లోనేగానీ, అందరూ చక్కగా తయారై కాలేజికి వెళ్లడానికి సిటీబస్సు స్టాపు దగ్గర వేచి ఉన్నట్టుగా అనిపించింది.
బసవపురాణంలో ముగ్ధభక్తుల కథల గురించి చేస్తూ వచ్చిన ప్రసంగాలకు కొనసాగింపుగా ఇవాళ బసవణ్ణ భక్తి గురించిన ప్రసంగం.. బసవణ్ణది ముగ్ధభక్తి కూడా. ముగ్ధభక్తులు శబ్దప్రమాణాన్నే విశ్వసించి నడుచుకున్నారు. పెద్దలు శివుడి గురించి ఏ మాట చెప్తే ఆ మాటనే వాళ్ళు శిరోధార్యం చేసుకున్నారు. బసవణ్ణ కూడా అలానే తన గురువు సంగమయ్య తనకు చేసిన ఉపదేశానికి అనుగుణంగానే తన నడవడికను, తన వాక్కుని రెండింటినీ తీర్చిదిద్దుకున్నాడని బసవపురాణం చెప్తున్నది. ఆ విశేషాలు ఈ రోజు ప్రసంగం.