chinaveerabhadrudu.in
కానీ, నువ్వో, నీకు వేణువు అవసరమే లేదు, వట్టి మాటలతోటే అలాంటి ప్రభావం చూపించగలవు. అతడికీ నీకూ తేడా అది. మేము మరెవరైనా వక్తని విన్నప్పుడు, అతడెంత మంచి వక్తగానీ, అతడి మాటలు మామీద ఎలాంటి ప్రభావం చూపించలేవు. అదే నువ్వయితేనా, నీ మాటలు, నీ సంభాషణాశకలాలు, అవి రెండోమనిషిద్వారా విన్నా కూడా, వాళ్ళు వాటిని సరిగ్గా చెప్పలేకపోయినా కూడా, వాటిని విన్న ప్రతి ఒక్కర్నీ, స్త్రీని, పురుషుణ్ణీ, శిశువునీ అవి సంభ్రమంలో ముంచెత్తుతాయి.
కాని ఆ యథార్థసౌందర్యాన్ని చూడటానికి కళ్ళుండాలేగాని, ఆ దివ్యసౌందర్యం, ఆ నిర్మల, స్ఫటికస్వచ్ఛసౌందర్యం- మర్త్యత్వపు మాలిన్యాలంటని, మానవజీవితపు వన్నెచిన్నెలు, హంగుపొంగులు దరిచేరలేని ఆ సౌందర్యాన్ని చూడటానికి నోచుకోగలిగితే, సదా ఆ సరళ, సత్య, దివ్యసౌందర్యంతోటే సంభాషిస్తో ఉండిపోగలిగితే!'
అది కూడా వివరిస్తాను సోక్రటీస్. ఇప్పటిదాకా ప్రేమ ప్రాదుర్భావం గురించి చెప్పాను. ప్రేమ ఒక సౌందర్యదాహం అని నువ్వు కూడా ఒప్పుకున్నావు. కాని ఎవరేనా అడగొచ్చు: సౌందర్యదాహం, నిజమే, కాని ఎవరి సౌందర్యం పట్ల? సోక్రటీసులోనా, లేక డయొటిమాలోనా? లేదా మరోలా అడగాలంటే, ఒక మనిషి అందాన్ని ప్రేమిస్తున్నప్పుడు, అతడు కోరుకుంటున్నదేమిటి?
