chinaveerabhadrudu.in
ఆ ఎదురు చూపులు అలా నడుస్తుండగా, అమెరికాలో ఉంటున్న మిత్రులొకరు, నేనొక అమెరికన్ మహాకవి మీద రాసిన పుస్తకం చదివాననీ, ఆ పుస్తకం వల్ల తనకు మరికొన్ని పుస్తకాలు పరిచయమయ్యాయనీ చెప్తూ నా కోసం ప్రత్యేకంగా ఒక పుస్తకం తేగానే, నాకు అమెరికామీదా, ఇండియా మీదా కూడా మళ్ళా గొప్ప ఆశ చిగురించింది.
సుంకర గోపాల్ ని మొదటిసారి విజయవాడలో కొన్ని శేఫాలికలు ఆవిష్కరణ రోజు విన్నాను. అంత అనర్గళంగా, అంత భావస్ఫోరకంగా మాట్లాడే వక్తల్ని ఈ తరంలో నేను చూడలేదు. ఎంత భావోద్వేగంతో మాట్లాడుతున్నా ఎక్కడా ఔచిత్యం, సంయనమం కోల్పోని వాగ్ఝరి ఆయనది.
మొదటి ప్రశ్న వెయ్యడం వరకే నేను చేసింది. ఆ తర్వాత ఒకదాని వెనక ఒకటి ఆ సంగతులన్నీ గోదావరి ప్రవాహంలాగా ఆయన్నుంచి పొంగిపోతూనే ఉన్నాయి.
