chinaveerabhadrudu.in
ఇటువంటి ప్రయోగశీల విద్యావేత్తలని కలుసుకున్న రోజులే నా జీవితంలో నేను కూడబెట్టుకునే ఆస్తులు. ఈ ప్రయోగం తరగతిగదిలో ఎలా అమలు జరుగుతోంది అని మరింత లోతుగా చూడటానికి రానున్న రోజుల్లో షాద్ నగర్ వెళ్ళకతప్పదనుకున్నాను. నిన్న సాయంకాలం వెళ్ళిన వేడుక వల్ల అక్కడికి వచ్చినవారందరిలోనూ ఎక్కువ లబ్ధి పొందింది నేనే అని కూడా తెలుసుకున్నాను.
ఎందుకంటే, స్టోయిక్కులు చెప్పినట్లుగా ప్రపంచాన్ని మార్చడం మనచేతుల్లో లేని పని. కాని ప్రపంచం పట్ల మన స్పందనలూ, ప్రతి స్పందనలూ మాత్రం మన చేతుల్లో ఉన్నవే. వాటిని మనం అదుపుచేసుకోగలిగితే, మనం ఈ ప్రపంచాన్ని ఏ విధంగా సమీపించాలో ఆ విధంగా సమీపించగలిగితే, తప్పకుండా మనమున్న మేరకు ప్రపంచం మారడం మొదలుపెడుతుంది. విమర్శ, ఖండన, ద్వేషం, దూషణ చెయ్యలేని పని మన జీవితమే ఒక ఉదాహరణగా మనం చెయ్యగలుగుతాం.
ఉండీ ఉండీ కోకిల అరుస్తుంటుంది ఆ అరుపు విన్న ప్రతిసారీ సముద్రం ఉలికిపడుతుంది.
