chinaveerabhadrudu.in
శ్రీమతి మాధవి అమెరికాలో ఉంటారు. నేను ఫేస్ బుక్ లైవ్ లో ప్రసంగాలు మొదలుపెట్టినప్పణ్ణుంచి, ఆమె ఈ సిరీస్ చాలా శ్రద్ధగా వింటూ, తమ స్పందనని ఎప్పటికప్పుడు నా బ్లాగులో పోస్టు చేస్తూ ఉన్నారు. ఇప్పుడు మార్కస్ అరీలియస్ Meditations పైన ప్రసంగాలు మొదలుపెట్టాక, మొదటి ప్రసంగం విని, తమ అమ్మాయికి ఒక ఉత్తరం రాసారు. ఆ ఉత్తరాన్ని నాతో పంచుకున్నారు. ఆమె అనుమతితో ఆ ఉత్తరం ఇక్కడ మీతో పంచుకుంటున్నాను.
కొత్త సంవత్సరం శుభాకాంక్షల్తో ఈ రోజు నుంచీ Marcus Aurelius (121-180) రాసిన Meditations పైన ప్రసంగాలు మొదలుపెట్టాను. ఆ ప్రసంగం ఇక్కడ వినవచ్చు.
ఎందుకంటే, స్టోయిక్కులు చెప్పినట్లుగా ప్రపంచాన్ని మార్చడం మనచేతుల్లో లేని పని. కాని ప్రపంచం పట్ల మన స్పందనలూ, ప్రతి స్పందనలూ మాత్రం మన చేతుల్లో ఉన్నవే. వాటిని మనం అదుపుచేసుకోగలిగితే, మనం ఈ ప్రపంచాన్ని ఏ విధంగా సమీపించాలో ఆ విధంగా సమీపించగలిగితే, తప్పకుండా మనమున్న మేరకు ప్రపంచం మారడం మొదలుపెడుతుంది. విమర్శ, ఖండన, ద్వేషం, దూషణ చెయ్యలేని పని మన జీవితమే ఒక ఉదాహరణగా మనం చెయ్యగలుగుతాం.
