జీవితంలో చూడవలసిన యుద్ధాలు, లోపలా, బయటా కూడా చూసిన తరువాత, పూర్తిగా వికసించిన వ్యక్తిత్వంతో, తన అరవై ఏళ్ళ వయసులో ఆయన తన ప్రేమానుభవం ఆధారంగా మహాయాన బౌద్ధాన్ని తన శిష్యులకు వివరించిన తీరు నన్ను నివ్వెరపరిచింది. ఆ పుస్తకం పూర్తిచెయ్యగానే నేనున్నచోటినుంచే ఆ గురువుకొక సాష్టాంగ నమస్కారం చెయ్యకుండా ఉండలేకపోయాను.
థిచ్ నాట్ హన్-3
ఈ దర్శనాన్నే ఆయన మానవస్వభావం పట్ల కూడా చూపిస్తాడు. ఒక మనిషి క్రూరంగా ప్రవర్తించడం తన కళ్ళారా చూసినప్పటికీ అది అంతిమసత్యం కాదనీ, మనిషి, పశుపక్ష్యాదులు, చరాచరాలన్నీ బుద్ధస్వభావం కలిగినవేనని నమ్ముతాడు, అదే అంతిమసత్యమని భావిస్తాడు.
థిచ్ నాట్ హన్ -2
థిచ్ నాట్ హన్ జీవితం పంచాగ్ని మధ్యంలో ప్రశాంతంగా విరబూసిన పద్మం లాంటిది. ఆ అగ్నివల్ల ఆ పద్మం వన్నె తగ్గలేదు సరికదా, మరింత శోభించింది, తన చుట్టూ ఉన్న అశాంతినీ, ఆందోళననీ తగ్గించడం కోసమే ఆయన మరింత ధ్యానమగ్నుడిగా, మరింత ప్రశాంతచిత్తుడిగా జీవిస్తూ వచ్చాడు.