chinaveerabhadrudu.in
మొన్న ఈ-బుక్ గా విడుదల చేసిన 'ప్రేమగోష్ఠి 'పుస్తకాన్ని పరిచయం చేస్తూ నిన్న పేస్ బుక్ లైవ్ లో ఒక ప్రసంగం చేశాను. మిత్రులు చాలామంది ఆ ప్రసంగం విన్నారు. ఆ ప్రసంగం వినలేకపోయినవారి కోసం దాన్ని యూట్యూబ్ లో అప్ లోడ్ చేసి ఇదుగో ఇలా మీతో పంచుకుంటున్నాను.
కానీ నీకు లభించిన ఆ ప్రేమకి నువ్వు యోగ్యుడు కావడానికి సాధన చెయ్యాలి. ఒకరోజో, ఒక ఏడాదో కాదు, ప్రతి రోజూ చెయ్యాలి. ఒక రోజు సాధనతో మరొక రోజు స్నేహం నిలబడుతుంది. ఆ మరొకరోజు స్నేహం ఆ తర్వాతి రోజు సాధనకి శక్తినిస్తుంది. స్నేహమంటే, ఎప్పటికప్పుడు నివురులూదుకోవలసిన నిప్పు.
అంటే ఒక సౌందర్య శిఖరారోహణ అన్నమాట. అందులో అత్యున్నత శిఖరానికి చేరుకున్న ఆ సత్యాన్వేషి ఋషిగా మారి ఆ సోపానమార్గంలో కిందకి దిగి తన తోటిమనుషులకు తిరిగి ఆ దారిగురించి బోధిస్తాడని మనకి సింపోజియం చెప్పకనే చెప్తుంది. మనుషుల పట్ల ప్రేమలేకపోతే ఆ ఋషి తిరిగి మళ్ళా ఈ సాధారణ జీవితంలో అడుగుపెట్టవలసిన పనే లేదు.