chinaveerabhadrudu.in
ప్రసిద్ధ చలనచిత్ర దర్శకుడు, కథకుడు వంశీ ఒకసారి నాతో మాటల మధ్య స్టాన్లీ కుబ్రిక్ గురించి ఒక మాట చెప్పారు. చాలామంది దర్శకులు ఇప్పటికీ తాము సినిమాలు తీయబోయేముందు స్ఫూర్తికోసం ఆయన సినిమాలు వేసుకుని చూస్తూ ఉంటారట. కథారచన వరకూ నేను ఈ మాట టాల్ స్టాయి గురించి చెప్పగలను.
భారతీయ సామాజిక చరిత్రలో ఇలా ఆత్మ వంచననీ, కాపట్యాన్నీ దుమ్మెత్తిపోసినవాళ్ళల్లో బసవన్ననే మొదటివాడని గమనిస్తే, పన్నెండో శతాబ్దంలోనే అటువంటి నిరసన ప్రకటించడంలోని నిజాయితీ, నిర్భీతీ మనల్ని ఆశ్చర్యానికి గురిచేస్తాయి. అటువంటి మానవుణ్ణి ఆరాధించకుండా ఉండలేమనిపిస్తుంది
బసవపురాణంలో ముగ్ధభక్తుల కథల గురించి చేస్తూ వచ్చిన ప్రసంగాలకు కొనసాగింపుగా ఇవాళ బసవణ్ణ భక్తి గురించిన ప్రసంగం.. బసవణ్ణది ముగ్ధభక్తి కూడా. ముగ్ధభక్తులు శబ్దప్రమాణాన్నే విశ్వసించి నడుచుకున్నారు. పెద్దలు శివుడి గురించి ఏ మాట చెప్తే ఆ మాటనే వాళ్ళు శిరోధార్యం చేసుకున్నారు. బసవణ్ణ కూడా అలానే తన గురువు సంగమయ్య తనకు చేసిన ఉపదేశానికి అనుగుణంగానే తన నడవడికను, తన వాక్కుని రెండింటినీ తీర్చిదిద్దుకున్నాడని బసవపురాణం చెప్తున్నది. ఆ విశేషాలు ఈ రోజు ప్రసంగం.