chinaveerabhadrudu.in
హెమింగ్వే వాక్యాల్లోని గాఢత, క్లుప్తత, తీవ్రత ఆయన ఏళ్ళ తరబడి చేసిన సాధన వల్ల ఒనగూడిన విలువలు. ఆయన జీవించిన జీవితం కూడా సామాన్యమైంది కాదు. కానీ కొత్తగా రచనలు మొదలుపెడుతున్నవాళ్ళకే కాదు, ఏళ్ళ తరబడి రాస్తూ ఉన్నవాళ్ళకి కూడా హెమింగ్వే నుంచి నేర్చుకోవలసింది చాలానే ఉంది.
జోర్బా లాంటి వ్యక్తులు ప్రాపంచిక సుఖాల్ని ప్రేమిస్తున్నట్టే కనబడతారుగాని, వాటిల్లో కూరుకుపోరు. పూర్తి సాంగత్యం మధ్య వాళ్ళల్లో నిస్సంగి మరింత తేటతెల్లంగా కనబడుతూనే ఉంటాడు. జీవితం జీవించు, కాని కూరుకుపోకు, ఎప్పటికప్పుడు జీవితం నీముందు సంధించే ప్రశ్నలనుంచి పారిపోకు, సరాసరి ఆ ప్రశ్నలకొమ్ములు పట్టుకుని వాటితో కలయబడు, కాని నీ ప్రవర్తనని సిద్ధాంతీకరించకు అన్నట్టే ఉంటుంది జోర్బా ప్రవర్తన.
కాళీపట్నం రామారావు మాష్టారి తొంభైవ పుట్టినరోజు. నవతీ తరణం పేరిట విశాఖ పట్నంలో ఈ రోజొక మహోత్సవం జరగనుంది. ఆగష్టు 29, గిడుగు పుట్టినరోజు , తెలుగుభాషోత్సవంగా జరుపుకుంటున్నట్టే, నవంబరు 9 ని తెలుగు కథానికోత్సవంగా జరుపుకోవలసిన రోజు.