Tag: Song of Myself

ఆ దృశ్యమంతా నేను అరాయించుకోగలిగాను, అది నా ప్రాణానికి హితవుగానే ఉండింది, నాకు బాగానే అనిపించింది, చివరకి ఆ అనుభవమంతా నా సొంతమైపోయింది, నేనే ఆ మనిషిని, ఆ దుఃఖితుణ్ణి, నేనక్కడే ఉన్నాను

నేను జంతువుల్తో కలిసి జీవించగలనని అనుకుంటున్నాను, అవి పరమశాంత జీవులు, తమ ప్రపంచంలో తాముంటాయి, వాటికేసి ఎంతసేపేనా చూస్తూండిపోగలను.

ఒక గడ్డిపోచ కూడా బృహత్తారాసముదాయాల ప్రయాణానికి తక్కువకాదని నమ్ముతాను, ఒక పిపీలికం, ఒక ఇసుకరేణువు, ఒక పక్షిగుడ్డు కూడా అంతే పరిపూర్ణాలు, ఒక చిరుకప్ప ఉత్కృష్ట మహాకావ్యం, ఒక చిట్టీతతుప్ప స్వర్గమందిరాలకు అలంకారం కాగలదు.