chinaveerabhadrudu.in
సుఖాన్ని స్వీకరించగలం మనం ఉత్సాహంగా, కాని దుఃఖం ప్రాప్తించినప్పుడే, మనం స్తిమితం తప్పుతాం. అప్పుడే తోటిమనిషినీ, దేవుణ్ణీ నిందించడం మొదలుపెడతాం. కాని సుఖదుఃఖాలు రెండింటినీ స్వాగతనేత్రాల్తో స్వీకరించి కూడా తన స్తిమితం కోల్పోకుండా ఉండటం, అదీ తన ఆనందం అని చెప్తున్నాడు అరీలియస్
ఆశ్చర్యంగా ఉంటుంది. ఒక చక్రవర్తి తన రాజ్యాన్ని రక్షించడం కోసం యుద్ధాలు చేస్తూ, ఆ యుద్ధభూమిలో ఎత్తైన కొండమీద దుర్గాన్ని నిర్మించుకున్నట్టుగా, తన అంతరంగ యుద్ధంలో తనని తాను కాపాడుకోడానికి మరొక దుర్గాన్ని నిర్మించుకున్నాడని తెలిస్తే చాలా ఆశ్చర్యమనిపిస్తుంది.
ఉన్న సత్యం ఒక్కటే. అది మానవుడి మర్త్యత్వం. జీవితం అశాశత్వం. అలాగని అర్థరహితం కాదు. జీవించక తప్పదు. కాని జీవించవలసిన ఆ జీవితాన్ని మరింత క్రమశిక్షణతో, అతి తక్కువ క్లేశంతో గడపడం ఎలా అన్నదే వాటి లక్ష్యం.