అందుకని ఈ ప్రసంగంలో ప్రధానంగా హామ్లెట్ నాటకం ఇతివృత్తాన్ని ముందు వివరించి, అది ఒక ప్రతీకార నాటకంగా మొదలైనప్పటికీ, తర్వాత కాలంలో దాన్ని 'ప్రతీకారం మీద ప్రతీకార నాటకం'గా విమర్శకులు ఎందుకు భావిస్తున్నారో వివరించడానికి ప్రయత్నించాను.
పుస్తక పరిచయం-3
హామ్లెట్ సమస్య
ఈ ప్రపంచంలో క్రీస్తు తర్వాత అంత విస్తారంగా రాసింది హామ్లెట్ గురించేనని బుచ్చిబాబు అన్నట్టు గుర్తు. రాధాకృష్ణమూర్తిగారు హామ్లెట్ గురించి ఎలానూ రాస్తారనే అనుకున్నాం. కాని ఏమి చెప్తారా, నాలుగువందల ఏళ్ళ సాహిత్యచర్చకు అదనంగా, అన్నదే మా ఉత్కంఠ. కాని, ఆయన రాసిన ఈ వాక్యాలతో అన్నిటికన్నా ముందు ఇంగ్లీషు సాహిత్యమే సుసంపన్నమైంది.