chinaveerabhadrudu.in
అంటే అప్పటికే ఆయన్ని సమాజంలో రెండు వర్గాలు తమవాడిగా భావిస్తూ ఉన్నాయన్నమాట. ఒకటి వర్ణాశ్రమ ధర్మాల్ని పాటించాలనుకునే సనాతన వర్గం, రెండోది అటువంటి కట్టుబాట్లకీ, ఆచారవ్యవహారాలకీ అతీతమైన, ఏ చట్రంలోనూ ఇమిడ్చిపెట్టలేని ఒక స్వతంత్ర రూపాన్ని అనుసరించే వర్గం.
అప్పుడు ఆ అవధూత తాను చాలామంది గురువుల్ని ఆశ్రయించాననీ, వాళ్ళ ఉపదేశం వల్ల తనకి అటువంటి జీవన్ముక్త స్థితి సాధ్యపడిందనీ చెప్తూ, మొత్తం ఇరవైనాలుగు మంది గురువుల్నీ, వారి నుంచి తానేమి నేర్చుకున్నాడో ఆ విద్యల్నీ వివరిస్తాడు.
ఇన్నేళ్ళు గడిచాక వెనక్కి తిరిగి చూసుకుంటే నా జీవితంలో అంతర్వాహినులుగా ఉండి నన్ను నడిపిస్తున్న ప్రభావాలు మూడు కనబడ్డాయి. నేను పుట్టిన ఆ తాటాకు ఇంట్లో మా బామ్మగారు నాకు చిన్నప్పుడే వినిపించి కంఠస్థం చేయించిన పోతన భాగవత పద్యాలు. మా నాన్నగారు ఎంతో అపురూపంగా చూసుకునే మహాభక్తవిజయం పుస్తకం, మూడోది, ఆ ఇంట్లో ఈశాన్యమూలన మా అమ్మ ప్రాణప్రదంగా చూసుకునే దేవుడిగది.