chinaveerabhadrudu.in
తన గురువునుండి పొందిన ఆ ప్రేమని ఇప్పుడాయన తిరిగి మళ్ళా ధారాళంగా వెదజల్లుతున్నారు కాబట్టే వేలాదిమంది శిష్యులు ఆయన సన్నిధి నుంచి స్పూర్తి పొందుతున్నారు. విద్యావంతులైన నాగరికులు తమ శక్తియుక్తులన్నీ మనుషుల్ని మతాల పేరిట విడదీయడానికి చూస్తుంటే, ఇక్కడ, ఈ సూఫీ సంప్రదాయ రామదాసును ఆశ్రయించుకున్న గ్రామీణులు మతాలకు అతీతమైన ఒక ప్రేమసమాజంగా జీవిస్తున్నారు.
ఏదో ఒక theme ని ఎంచుకుని కథాసంకలనాలు తేవడం తెలుగులో కొత్తకాదు. కాని, ఒక సంకలనం ఇంతగా ఆలోచనలో పడేయడం మాత్రం నాకైతే ఇదే మొదటిసారి. ఈ అంశాలమీదా, ఇటువంటివే తమకి స్ఫురించిన మరిన్ని అంశాలమీదా, కవిత్వ పాఠకులూ, కథాపాఠకులూ కూడా రానున్న రోజుల్లో తమ ఆలోచనలు మరింత వివరంగా పంచుకుంటారని ఎదురుచూస్తున్నాను.
నిజానికి నన్ను వెన్నాడే కథల్లో Boule de Suif నే ఇక్కడ మీతో పంచుకోవాలి. కానీ ఆ కథ నిడివి పెద్దది కావడం వల్ల, దానికి సమానమైంది అని చెప్పదగ్గ Bed No.29 (1884) ని ఇక్కడ మీతో పంచుకుంటున్నాను. ఈ కథని తెలుగులోకి నేనే అనువదించక తప్పలేదు.