chinaveerabhadrudu.in
నిన్న సాయంకాలం ఆ సితారు ఆలాపన వింటున్నంతసేపూ నాకు ఒక నది ఒడ్డున కూచున్నట్టూ, నా పాదాలు ఆ నీళ్ళల్లో మునిగీ మునక్కుండా పెట్టుకున్నట్టూ, చిన్ని చిన్ని నీటితరగలు నా పాదాల్ని తాకి విరిగి కిందకి జారిపోతుంటే, నా హృదయంలోపల ఎవరో చేయిపెట్టి మెత్తని సున్నితమైన తంత్రులేవో కెరలిస్తున్నట్టూ అనిపించింది.
ఈ పద్మవ్యూహంలో నాకై నేను అనుసరిస్తున్న austerity measure ఒకటున్నది. అదేమంటే, కవిత్వం పుస్తకాల రూపంలో ప్రచురించకపోవడం. దానికి బదులు కవిత్వపుస్తకాల్ని డిజిటలు పుస్తకాలుగా ఇంటర్నెట్టు ద్వారా అందుబాటులో ఉంచడం.
రమణీయ నీలిమ మధ్య చర్చి గోపురం తగరపు విమానంతో వికసించింది. వసంతపక్షుల కూజితాలు దాని చుట్టూ అల్లుకున్నవి. ..