chinaveerabhadrudu.in
ప్రపంచ సాహిత్యచరిత్రలో గొప్ప యోగానుభవంలోంచి పలికిన కవిత్వాలు, ఉపనిషత్తులు, సువార్తలు, డావో డెజింగ్, బుద్ధుడి సంభాషణలు మనకి ఏ ఆత్మానుభవాన్నీ, ఏ సత్యసాక్షాత్కారాన్నీ పరిచయం చేస్తాయో సాంగ్ ఆఫ్ మైసెల్ఫ్ కూడా అటువంటి అత్యున్నత ఆత్మానుభవాన్నే పరిచయం చేస్తుంది
అమెరికన్ మేధావి కర్తవ్యం గురించి ఎమర్సన్ చేసిన ప్రసంగం వల్ల ప్రేరణ పొందిన థోరో మానవసమాజానికి దూరంగా ప్రకృతికి దగ్గరగా జరిగితే, విట్మన్ మానవసమాజానికి దగ్గరగా జరగడమే కాదు, ఆ మానవాళి మొత్తం తనే కావాలని ఆశపడ్డాడు. అందుకనే ఇది Song of Myself గా మారింది.
అమెరికాని కీర్తించడానికి, అమెరికన్ ఉత్సవం జరుపుకోడానికి అమెరికా ఒక కవి కోసం ఎదురుచూస్తున్నప్పుడు తాను ఆ కవిగా మారడం ఒక చారిత్రిక, సామాజిక, నైతిక బాధ్యతగా విట్మన్ భావించాడని మనం గ్రహించాలి.