chinaveerabhadrudu.in
ఈ పుస్తకం వెలువడ్డ ఇన్నేళ్ళ తరువాత కూడా ఒక కవి, ఒక భావుకుడు ఈ పుస్తకం మీద ఇంత సంతోషంతో నాలుగు మాటలు రాయడం నన్ను ఆశ్చర్యపరిచింది. అందుకని పలమనేరు బాలాజి రాసిన ఈ సమీక్ష మీతో పంచుకోవాలనిపించింది. దాంతో పాటే, ఆ పుస్తకం పిడిఎఫ్ కూడా మరోసారి.
కానీ, ఈ గీతం, ఇది మామూలు గీతం కాదు. జ్ఞానేశ్వరుడు, నామదేవ్, తుకారాం, ఏకనాథుడు లాంటి మహాభక్తకవిపరంపర ఆయన్ని ఆవేశించి ఈ గీతం రాయించారా అనిపిస్తుంది. ఎటువంటి గీతం ఇది! భావానికి భావం సరే, ఆ భాష! ఈ గీతరూపంలో షిరిడీలో గంగావతరణం సంభవించిందా అనిపిస్తుంది ఆ గీతం విన్నప్రతిసారీ!
నా మిత్రురాలు నన్నట్లా సూటిగా ప్రశ్నించాక ఒక క్షణం ఆలోచించాను. ఆమె చెప్తున్నది సహేతుకమే గాని నేనెందుకలా ఉండలేకపోతున్నాను అని ఆలోచించాను. నా సృజనశక్తుల్ని ఆమె ఆశిస్తున్నట్టుగా, సమాజాన్ని ప్రభావితం చెయ్యడానికి ఎందుకు వినియోగించలేకపోతున్నాను అని నా అంతరాత్మని నేను ప్రశ్నించుకున్నాను.