నీలి రంగు హ్యాండ్ బ్యాగ్

ఈ కవిత ఆధునిక మహిళ జీవితకథ అనవచ్చు. ఇందులో ఆమె పాటించిన శిల్పం నన్ను ముగ్ధుణ్ణి చేసింది. చేరా గారు ఉండి ఉంటే, ఈ కవితలో ఆమె పాటించిన వ్యూహాలమీద, ఒక విశ్లేషణ చేసిఉండేవారనిపించింది.

నా రక్తంలో విషం లేదు

హిందీ మాతృభాష అయిన ఒక యువకుడు ఇంగ్లీషులో రాసిన ఈ కవిత్వంలో గొప్ప సారళ్యం, సూటిదనం కనిపించడం నన్ను కొంత ఆశ్చర్యపరిచింది. ఇంగ్లీషు మాతృభాష కాదనే బెరుకు లేకుండా సాహసంగా చేపట్టిన వాక్యనిర్మాణం, పదప్రయోగం ఈ కవిత్వాన్ని ఇన్నాళ్ళ పాటు సజీవంగా ఉంచాయని చెప్పవచ్చు.

ప్రతి వాక్యం ఒక వివేక చూడామణి

కవిత్వంలోనూ, జీవితంలోనూ కూడా చలంగారు కోరుకున్న economy of words ఆయనకన్నా వెయ్యేళ్ళముందు జీవించిన తమిళ విదుషి సుసాధ్యం చేసింది. ఆమె చెప్పిన ప్రతి వాక్యం ఒక వివేక చూడామణి.