Category: సాహిత్యం

అలాగే బసవన్న వచనాల్లో కూడా ఆయన దయాహృదయం, తోటిమనిషికోసం పడిన అనుకంపన, శివశరణుల పట్ల సంపూర్ణసమర్పణ ఎలా స్పష్టంగా కనిపిస్తున్నాయో, ఆ వచనాల్లోని సాహిత్య విలువలు కూడా అంతే స్పష్టంగా కనిపిస్తున్నాయి. వాటిని స్థూలంగా పరిశీలిద్దాం.

భక్తి కవుల దృష్టిలో ఆధ్యాత్మికత అంటే రాజీలేని నైతికత మాత్రమే. ఈ నేపథ్యంలో చూసినప్పుడు బసవన్న భక్తి ఉద్యమంలోని విమోచక శక్తి ఎంత విప్లవాత్మకమో మనకి అర్థమవుతుంది.

నేడు మన సమాజంలో పూజలు, వ్రతాలు, ఉత్సవాలు, ప్రవచనాలు, హారతులు పేరిట నానాటికీ పెరిగిపోతున్న ఆడంబరం, అవధుల్లేని వ్యయం, వైభవ ప్రదర్శనల్ని చూస్తుంటే మాత్రం బసవన్న లాంటి మనుషులు ఎనిమిది శతాబ్దాల ముందటికన్నా కూడా ఇప్పుడు ఎక్కువ అవసరం అని అనిపిస్తున్నది.