నీటిరంగుల చిత్రకారుడు
రంగుల్ని పళ్ళెంలో కాకుండా
కాగితం మీద కలిపాడు.
తన మనసులో కనిపిస్తున్న ఆకృతుల్ని
కాగితం మీదకి తీసుకురమ్మని
రంగుల్నీ, నీళ్ళనీ
ప్రాధేయపడ్డాడు.
ఎన్నాళ్ళుగానో, ఎన్నేళ్ళుగానో
గడ్డకట్టిన తాపమంతా
కరగడం మొదలుపెట్టింది.
కాగితం మీద నీళ్ళు
పరుచుకోడం మొదలుపెట్టగానే
పైన విస్తరించిన వెలుగుని
ఆకాశం అనుకున్నాడు.
దానికింద పరుచుకున్న నీడలు
కొండలూ, కాలువలూ అనుకున్నాడు.
ఆ మధ్యలో అక్కడక్కడ
రంగు ముద్దగా పడి
నిలిచిపోయిన తావుల్ని కొంతసేపు
తదేకంగా చూసాడు.
చీకటీ, వెలుగూ
అల్లుకున్న ఆ తావుల్లో
వానకి తడుస్తున్న చెట్లని
గుర్తుపట్టాడు.
బొమ్మ పూర్తయ్యింది.
27-7-2023
వాహ్!
ధన్యవాదాలు మేడం
నేనూ చెట్టునయ్యాను చదువుతూ చూస్తూ
ధన్యవాదాలు సార్
చాలా బావుంది
ధన్యవాదాలు సార్
చూస్తున్న కళ్లు కూడా తడిసి పోతున్నాయి…
మనసులో మెచ్చుకోలు వర్షం!
ధన్యవాదాలు రామ్ భాస్కర్!
వానకి తడుస్తున్న చెట్ల మొదలు లో మనసు జారవిడుచుకున్నాను..
చాలా బాగుందండి
ధన్యవాదాలు మేడం
అంతరంగ చిత్రలేఖన వర్ణన బావుంది సర్!
ధన్యవాదాలు మేడం
ఎంత బాగుందో…
ధన్యవాదాలు మేడం
రంగుల హొరంగు
కవిత పసందు
భావాలు వర్ణాలౌతూ
ధన్యవాదాలు సార్
మనస్సుకు హత్తుకున్న కవిత.. జీవం ఉట్టిపడే రంగుల చిత్రాలు.
ధన్యవాదాలు సార్
చిత్రమూ, కవితా కమనీయమే 💐
ధన్యవాదాలు ప్రసూనా!
మీ నిశిత పరిశీలనా శక్తి కి ,చిత్ర కళా నైపుణ్యానికి
సోదాహరణంగా ఉన్నాయి మీ కవితలు,గీసిన చిత్రాలు. ఆ పెంకుటిల్లు ,బయట నున్న నిట్టాడు గుంజ .ఎంతో సహజంగా ఉన్నాయి.
ధన్యవాదాలు మాస్టారూ!
చిత్రం ,కవిత, వాన, మీ భావుకత మిళితమైపోయింది. చిత్రం కవిత్వం అయ్యిందా లేదా కవిత్వం చిత్రమయ్యిందా మీరే చెప్పాలి
ధన్యవాదాలు మాస్టారూ!