అతడు కొండమీంచి ఏ రాగాలో మనమధ్యకు తీసుకొచ్చాడు
కింద అతడి మిత్రులు లోయలో పూసిన పూలు పట్టుకొచ్చారు.
వాళ్ళని మనం కలవకపోయి ఉంటే ఏమయ్యుండేది?
బహుశా ఏమీ కాకపోయి ఉండేది.
అటువంటి రాగాలు ఉండేవని తెలిసిఉండేది కాదు,
ఆ రంగులు చూసి ఉండేవాళ్ళం కాము.
ఆ రంగుల్ని చూసేం, ఆ రాగాలు విన్నాం
అయితే మాత్రం ఏమి జరిగింది?
మనమెక్కడో శుభ్రపడ్డాం, తేటపడ్డాం.
లేకపోయుంటే బహుశా నేనీ కవిత రాసి ఉండేవాణ్ణి కాను.
12-5-2022